حرصت منى زكي على توجيه الشكر لفريق عمل الفيلم.
وكتبت منى زكي عبر انستقرام: “أحب أوجه الشكر لفريق فيلم “رحلة 404” الرائع اللي استمتعت جدا بالتعاون معاهم.. أنا حقيقي حبيت تجربتنا سوا، واستمتعت بيكم ومعاكم وبمواهبكم الجبارة اللي أضافت لي وأضافت للفيلم ككل”.
وأضافت: “شكرا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده، ويارب الفيلم ده كمان يكون له نفس الحظ من نجاحنا المشترك.. وأيضاً زميلي العزيز محمد ممدوح (تايسون) اللي بحب وبحترم فنة وموهبته لأقصى درجة، ووجوده كضيف شرف في الفيلم كان حاجة كبيرة أوي بالنسبة لي، وطبعا النجم الكبير والممثل اللي دايما بنستمتع بحضوره خالد الصاوي”.
وأكملت: “وطبعا الممثلة الرائعة شيرين رضا اللي نورت الفيلم بجدـ والمتميز للغاية محمد علاء.. وأكيد كل الشكر للسينارست الموهوب محمد رجاء اللي كتب نص حقيقي مختلف وإنساني وبإبداع حقيقي، وأولا وأخرا شكرا للأستاذ المخرج هاني خليفة على مجهوده و إيمانه بالمشروع وتوجيهاته ورؤيته المهمة دايما”.
ويذكر أن فيلم “الرحلة 404″، يشارك في يبطولته مجموعة كبيرة من الفنانين وضيوف الشرف، ومن بين ضيوف الشرف، محمد ممدوح، محمد فراج، خالد الصاوي، شيرين رضا، محمد علاء وغيرهم من الفنانبن، والفيلم من تأليف محمد رجاء وإخراج هاني خليفة.
وكانت منى زكي قد حصدت هي وفريق عمل فريق مسلسلها “تحت الوصاية” جائزة صناع الترفيه الفخرية، في مهرجان “Joy Awards”، وقالت خلال كلمتها على المسرح: “أنا مش عارفة أقول إيه، بشكرك جدا معالي المستشار وبشكر كل فريق المسلسل، أنا متأثرة جدا بتكريم المسلسل وتكريم أستاذ عادل إمام، وبشكر أهم حد في حياتي حلمي، بحبك لولا وجودك في حياتي مكنتش هقدر أعمل حاجة”.حرصت منى زكي على توجيه الشكر لفريق عمل الفيلم.
