بلاغ من الملحن الكبير حسن دنيا ضد مطربي مهرجانات يتّهمهم فيه بسرقة ألحانه

تقدّم الملحن الكبير حسن دنيا ببلاغ ضد عدد من مطربي المهرجانات، أبرزهم مسلم ونور التوت وحمو طيخا وفيلو، بسبب استخدامهم أحد ألحانه ودمجها في مهرجان شعبي، من دون الحصول على حقوق ملكيتها.

وكشف دنيا تفاصيل بلاغه قائلاً: “فيه قضية رفعتها على كل مطربي المهرجانات اللي سرقوا اللحن، ومش هتنازل عنها غير لما آخد حقي منهم آدمياً ومادياً ويشوفوا هما كسبوا قد إيه”.

وأضاف: “هيتوقفوا عن العمل لو محلّوش الموضوع، نقيب المهن الموسيقية مصطفى كامل هيلغي ليهم التصاريح، تواصل حد منهم معايا وقال لي اللي تؤمر بيه، وكل شويه يتحججوا بحجج غريبة وبيعملوا ملايين من الأغنية وأنا ولا حاجة”.

واختتم حسن دنيا بلاغه بالقول: “مسلم عامل نفس اللحن في أغنية وجايب 24 مليون مشاهدة، وديجيتال كمان ودا نوع غالي في الربح ودا اللي بيجيب فلوس ليهم ودا واحد بس منهم، أساميهم اللي مشهورين بيها دي مش أسمائهم الحقيقية وجبنا أساميهم الحقيقية واترفع عليهم قضية بكل ده”.